一年一度嘅《享樂天橋底音樂會》已於12月9日在觀塘反轉天橋底（發現號Vessel03）順利完成喇！活動由下午開始，打響頭炮嘅《全民Busking區》吸引唔少進場人士即興參與，演唱自己嘅心水歌曲，觀眾坐住吹氣梳化聽歌兼為歌手打氣！
夜晚就到咗萬眾期待嘅《原創音樂發佈匯演》！六隊樂隊都非常落力演唱一連串原創歌曲，歌曲內容非常廣泛之外，除咗有情歌同埋講夢想之外，更有探討社會議題嘅歌曲。最後仲有壓軸嘉賓“UNTO THE DAWN”同“SUSTAIN”為我地表演，令全場High爆，音樂會亦完滿地結束。鍾意音樂嘅你，記得密切留意我地最新消息，期待下個音樂活動見到你！
